辦公室朋友

Vicky是我還是打工仔時所認識的舊同事。那時Vicky的座位在我前面，出出入入總會經過她的那個cubicle，因此見面和溝通的機會自然比較多一點，感情也自然比較好一些。特別是當我初到舊公司上班時，作為一個新人需要盡快適應新環境，這些坐在自己附近的「隔籬鄰舍」，對自己就更為重要。

Vicky的人品其實蠻好的，唯獨是性格比較靜，說話也不太多，大概因為這個原因，跟其他公司裡的同事並不特別熟落。

大約在我第一天上班後一個星期左右，公司裡的另一班同事邀請我一起吃午飯。作為一個新人，有機會同其他同事聯誼一下，順便可以收一收公司的情報，這些機會我當然不會放過。飯局之中，其中一個說話很多的女同事就這樣的跟我說：「唉，CK，都唔知點解，公司咁多人俾你揀，你好揀唔揀，揀個全公司都冇人同佢做朋友既人做friend嘅…」「你講Vicky？」我皺了皺眉：「Vicky都幾好人吖，有咩問題呀？」

「有咩問題？唔係下話CK…」女同事將聲調提高了八度說：「個個都同佢唔friend，咁就知佢有問題啦，唉，你係新仔，我塞錢入你袋咋…總之你就咪同佢講咁多啦。」

「哦…」我見她們說到七情上面，於是勉強點了點頭：「不過呢，老實講，查實Vicky係咪以前做過咩，搞到你咁唔鍾意佢呢？講我聽下吖…」

我這個問題，卻換來了整枱同事鴉雀無聲。人人都說Vicky這個同事不好，但要她們舉出一兩件Vicky做過的壞事，她們就完全說不出。一班三十來歲的中年人，活像小孩子般玩排擠，幼稚到不可理喻。

我離職後，Vicky是少數我覺得值得保持聯絡的舊同事，至於當日在飯桌上講是講非的一班呢，離職後我便徹底跟她們斷絕來往了。

(2007年11月16日 刊於AM730)