2007年12月17日 星期一

星期一病假

「你老細真係麻煩,我上個禮拜一唔舒服告日病假……」舊同事Sammi嬲爆爆地跟我說:「我老細即刻問長問短,好似我特登扮病呃假期咁。」「咁weekend之後日告病假…」我答:「係敏感些少啦。有伙計唔生性,weekend玩得太狂,到星期一朝早,發覺都仲未回到氣,咪索性扮病告假囉。呢case成日都有啦。」「CK,你唔好拎我同呢班咁冇責任心打工仔比喎……」Sammi講到青筋暴現:「你知我唔係咁人!不過今次唔好彩,撞正星期一走病,搞到惹人懷疑……」

我當然明白,人是無辦法選擇在星期幾去病的。不過同事們在星期一請的病假,不得不承認,我是特別多一點懷疑。原因為何大概也不用我多說了。當我翻查同事們的attendance record時,我又真的發覺,部分同事所告的病假,絕大部分都在星期一又或是公眾假期後一天。不過對於同事在星期一告病假這回事,老細懷不懷疑,歸根究柢還是一個信任問題。老細對你信任,覺得你平時是個盡責的伙計,即使知道偶然一次weekend玩得太厲害,星期一早上回不到氣去上班而告病假,也會隻眼開隻眼閉。畢竟你有醫生紙證明,老闆總不能隨便質疑醫生的專業意見。不過當老闆真的出口懷疑你病假的真實性時,其實代表他對你的信任已經低落得很。當你還將焦點放在病假的真確性時,真正的問題,出在你跟你上司的關係之上。是時候想一想,到底你們之間出了甚麼問題了。

(2007年12月17日 刊於AM730)

沒有留言: