決戰二世祖 (上)

表弟剛出來社會做事不久。最近幾次飯局上見到表弟，面色總是有點難看，而且心事重重，好像有些甚麼解決不來的煩惱似的。

細問之下，原來跟表弟一樣出來社會做事不久的女朋友，最近被她公司裡一個有錢子弟熱烈追求，靚車接送之餘再加大量銀彈攻勢，表弟看在眼裡自然不是味兒。加上表弟剛踏足社會，收入自然有限，面對如此一個「疊水」的情敵，不期然覺得自卑起來。

CK老婆在與小弟結婚前幾年，都曾經遇過類似的事情，受到某有錢子弟熱烈追求。坦白講，CK嫂與CK拍拖日子比較長，感情基礎也較穩固，所以當時我反而不太擔心自己的女朋友會被人搶走。不過眼見自己女朋友被一些比自己富有百倍的人追求，心裡當然不會太舒服。年紀輕輕的CK一來自卑心作祟，二來當女朋友被第三者追求時 (尤其被富家子弟追求…)，身邊又總會有些噪音在指指點點。男孩子的尊嚴加上閒言閒語，其實足以令一段大好姻緣就此泡湯。

我跟表弟分享了這段小往事，表弟聽罷，問了我一個問題：「表哥，咁查實係咪因為你唔想輸俾個二世祖，所以先突然之間發奮向上，創業做老闆呢？」

「表弟，傻啦，做生意由冇到有，仲要有錢賺，要好多時間…」我笑了笑：「到你真係可『反超前』過個二世祖陣，你個女友都俾人追咗去啦！唔好諗住短時間之內要多錢過個二世祖先叫做贏呀，咁諗你真係盞自己唔開心呀…」(待續)

(2007年9月20日 刊於AM730)