2008年1月14日 星期一

電話響呀,小姐!

我的朋友圈裡,不知何解,不少都患有「聽唔到手提電話響綜合症」,患者又以女性為多。對於她們未能聽到電話響的理由,她們都說得理直氣壯:「擺個電話落手袋,自然聽唔到電話響啦,有乜出奇?」(好似冇人迫你將個手提電話放入手袋裡面喎……)「聽唔到咪聽唔到啦,有緊要事佢自然會再打過啦!」(小姐,再打過,你咪一樣係聽唔到?)

也許CK是sales出身,電話對一個sales來說有多重要,大概不用我說了。工作上,每次電話響,都代表一次生意和賺錢的機會。客人會憑你是否能第一時間接聽他們的查詢,去判斷你的誠意。難道當他們找不著你的時候,解釋給他們聽,你的電話放了在手袋之中,因此無法接聽他們的來電麼?有些朋友跟我說:「CK,好心你咪咁緊張個手提電話啦。十幾廿年前,手提電話未普及時候,大家咪又係咁生存!」沒錯,以前手提電話未普及,大家還是生活得很好,不過正因為這個通訊媒體未普及,大家根本不會依賴這個媒體傳遞消息,因此即使miss了一、兩個電話,也不至於損失太多。今時今日手提電話普及了,大家都依賴它傳遞訊息,由最無謂的廣告,以致生死攸關的緊急電話也有可能。當你長期「理所當然」地聽不到電話響,你有甚麼把握,你miss了的call,不會是重要而迫切的訊息?

坦白講,當我在辦公時間內,打電話找不到我自己的伙計時,我是真的會大發雷霆的。

(2008年1月14日 刊於AM730)

10 則留言:

Alex 提到...

Haha can't agree more. It's pretty annoying when people consistently miss cell phone calls.

However, where else can a woman put her cell phone except her handbag? I guess it's pretty weird for women to put their cell phones in the pockets of their pants? Someone gotta figure out a solution for that... :P

匿名 提到...

女仔D衫好多時無袋,電話唔放係手袋,咁咪要拎係手?定要掛頸?
我都係一個成日MISS CALL既人....
因為電話一放入袋,就算開到最大聲+震機我都聽唔到...特別係MTR入面

whisky 提到...

我都係放係手袋~因為D裙袋同褲袋好難放個電話,有時D衫根本冇袋,如果冬天都仲可以放褸袋既!
不過放左係袋都會成日間中都會望下個電話又或者放係袋邊貼身既位置,咁就可以FEEL到~

匿名 提到...

3月3日的文章意見:

昨天看完你的文章非常不高興,傷心及失望,原因你是老闆,沒有人可以阻止你的決定.

我同樣是辦公室政治的受害人.

連老闆不主持公道,是否要問"天理何在"?

Dorothy (dorlau@yahoo.com)

匿名 提到...

唔知道點樣send email 俾你 >.<
我想知老闆對一D內向O既同事O既睇法? 唔鐘意講野, "默默工作", 唔同同事social, 你會叫佢主動D 嗎?? 會係見工時out 呢個人? 升職機會會比其他人低嗎??

N/A 提到...

女仔夏天時唔放個電話係袋可以放邊度 ?

Jason Mai (John Wagon) 提到...

你好啊!
我想問下你係點樣投稿到am730ga?
我想係am730副刊發表文章啊~
謝謝。

Unknown 提到...

ck..我係你忠實讀者,我覺得你寫既野好"正",有時我會係你既文章入面反省自己所做既野,但係我今日係工作上真係好唔開心,我想問...作為一個上司, 如果個同事突然間即日請半日事假係咪好過份?(我係呢間公司做左一年,第一次咁請)今日我因為屋企真係有d事,我即時請左半日大假,我其實知道好多野做,所以我都好快返到公司,即刻坐底做野,但係我上司...佢同我講,話如果下一次有咩特別事又唔係好急既,返左公司先,再請別一日,唔好咁樣請假,老闆會唔鐘意,又呢樣又個樣咁...講左我20分鐘有多...我係個一刻我真係好唔開心,好想駁嘴,但係我唔想搵架嘈...咩野叫做"out of control"?我都唔想...可以control得到...我唔想發生呢件事,我上司無問我屋企咩事,(即使佢問我都唔想答),但係我真係冇諗過佢會講埋d咁既野...其實仲有好多事發生左...對公司我仲係有一顆熱誠,但係對著我上司就.....有時一個下屬對公司有冇歸屬感...都真係好睇呢d生活細節...

匿名 提到...

What if your staff claims that he doesn't own a cell phone? Would you fire him for that?

Bees Force 提到...

Agree,除了電話,還有blackberry。 我都有類似經驗分享!


http://beesforce.blogspot.com/2011/06/2.html